Co remate deste 2024, o ano do noso XXV aniversario, en Casa de Tolos queremos compartir con vós unha excelente nova técnica: adquirimos novos equipos para seguir levando as nosas producións audiovisuais ao máis alto nivel.
En son, incorporamos unha controladora Solid State Logic e implementamos o sistema Dolby Atmos, revolucionando as mesturas no noso estudio para unha experiencia sonora inmersiva e de máxima calidade.
En vídeo, adquirimos cámaras Sony FX6 e unha ampla gama de ópticas de altísima calidade, que nos permitirán capturar imaxes espectaculares e levar as nosas producións ao seguinte nivel.
En 2025, veredes e escoitaredes as nosas creacións como nunca antes. Poderedes disfrutar de producións espectaculares nas que estamos traballando con moita dedicación e innovación.
Grazas por acompañarnos nesta traxectoria de 25 anos… e o mellor aínda está por chegar!
